294
Буряадай үйлэдбэриин болон худалдаа-найманай яаман автономно коммерческэ бэшэ "Спортивна гүрэн" гэhэн эмхитэй хүдэлхэ тухай хэлсээн дээрэ гар табиба. Тамирай талаар олон проектнууд бэелүүлэгдэхээр хараалагдана.
Гүрэн, тамир, олзын хэрэг эрхилэлгэ болон олониитэ гээд бэе бэетэйгээ харилсаатайгаар хүдэлхэдээ, аша үрэтэй байха зэргэтэй. Суг хүдэлхэ, тамирай hалбариие хүгжөөхэ зорилготойгоор Буряадай үйлэдбэриин болон худалдаа-наймаанай яаман "Спортивная страна" гэжэ нэрэтэй коммерческэ бэшэ эмхи зургаантай хэлсээ баталжа, гар табиба.
"Урид табигдаhан түсэбүүдээ бэелүүлжэ, гол шухала шатадаа хүрэжэ ерэбэбди. Тамирай индустри ехэ hонин, энэ талаар аргагүй олон зорилго түсэбүүд бэелүүлэгдэхэ", - гэжэ сайд Сергей Желтиков хэлэнэ. Буряадай олзын хэрэг эрхилэгшэдтэ спортын ямар эд бараа үйлэдбэрилхэ, наймаалхада мүнгэ асархаб, энэ талаар бизнес-проектнуудые зохёохо хэрэгтэ туhа хүргэжэ байха тухай "Спортивная страна" эмхиин захирал Наталья Башева хэлэнэ.
Үшөө тиихэдэ энэ сэдэбээр олон уулзалганууд эмхидхэгдэхэ. Спортын талаар хүдэлдэг буряадай олзын хэрэг эрхилэгшэдтэ үшөө нэгэ аша туhатай проект бэелүүлхэ хэрэгтэнь ехэ туhа боложо үгэхэнь гээшэ.
Фото: pixabay.com
