​Буряадай барилдаашад Кемеровскэ можодо илалта туйлаа

Аха дүү Брайко барилдаашадай шангуудта хүртэхын түлөө бүхэроссиин мүрысөөндэ Буряадай тамиршад гурбан медаль абаһан байна.

Кемеровскэ можын Осинники хотодо тус хэмжээ ябуулга эмхидхэгдээ. Хибэс дээрэ 270 гаран тамиршад гараа гээд хэлэлтэй.

Эрэшүүлэй дунда тулалдаануудта Буянто Банзаракцаев түрүүлжэ гараа. Тэрэ 70 килограммай шэгнүүртэ барилдаһан байна.

Эхэнэрнүүдэй дунда Кристина Кондратьева нэгэдэхи һуури эзэлээ. Кристина Буряад Улас ба Эрхүү можо түлөөлдэг юм. Наиля Абзалова шангай 3-дахи һууриин түлөө хүрэл медаляар шагнагдаа.