​Дэлхэйн чемпионадта Буряадай шатаршан наадаха

Эдир шатаршан Эрдэм Хубукшанов Европын шэлэн абалгын мүрысөө шүүжэ, дэлхэйн чемпионадта хабаадаха эрхэдэ хүртөө.

Тус хэмжээ ябуулга декабриин 8-9 үдэрнүүдтэ үнгэргэгдөө. Тээмэндэ болоһон бүхыроссиин мүрысөөндэ түрүү һуури эзэлжэ, Европын хэмжээнэй тулалдаануудта хабаадахаяа Эрдэм эрхэдэ хүртөө һэн гээд һануулая.

Буряад Уласай Арадай Хуралай һунгамал, шатарай федерациин хүтэлбэрилэгшэ Инна Ивахиновагай хөөрэһөөр, һүүлшын 7-дохи турта Эрдэм заал һаа шүүхэ ёһотой байгаа. Ородой Григорий Пономаревые шүүжэ, һанаһандаа хүрэбэ. 6 очкотой Буряадай шатаршан шангай 3-дахи һуури эзэлээ.

Декабрь һарын һүүл багаар үнгэргэгдэхэ дэлхэйн чемпионадта Эрдэм Хубукшанов хабаадаха болоо. 2006-2007 онуудай оройдоол 16 эрхим тамиршад наадаха юм.