​Буряадай тайска боксёрнууд түрүүшүүлэй тоодо

Нижегородско можодо үнгэргэгдэжэ байһан тайска боксоор Ородой чемпионат болон Кубокта хүртэхын түлөө мүрысөөнэй гол шатанууд эхилбэ.

Энэ мүрысөөндэ Буряадай тамиршад яһала үрэ дүнтэйгөөр хабаадажа байнхай.

Ехэшүүлэй дунда Ородой Кубокта Бато Бадархаев декабриин 11-дэ хахад финалай уулзалга үнгэргэхэ. Эдиршүүлэй дунда Ородой чемпионадта энэл шатада Екатерина Карнакова шаалсаха.

Елизавета Бадмацыренова болон Дарья Ербаева гэгшэд бэе бэетэеэ уулзажа, хэн Ородой чемпионой нэрэ зэргэдэ хүртэхэб гэжэ элирүүлхэ.