​Бүхэроссиин финалда Буряадай Жамсаран Цыдыпов наадаха

Уласхоорондын гроссмейстер Жамсаран Цыдыпов түргэн шатараар “Кубок Югры” гэһэн мүрысөөндэ 4-дэхи һуури эзэлбэ.

Ородой Кубокта хүртэхын түлөө мүрысөөнэй һүүлшын шатада хабаадаһан 84 тамиршан бүхэн Ханты-Мансийскда 11 уулзалгануудые үнгэргөө. Буряадай шатаршан эндэ 8 очко абажа шадаа. Түрүүшын гурбан һуури эзэлһэн тамиршад Жамсаранһаа оройдоол 0,5 очко үлүү абаа. Москва хотын Алексей Сарана ээлжээтэ амжалтаяа туйлаа. Ханты-Мансийск хотын Григорий Опарин болон Игорь Лысый гэгшэд шангай һууринуудта гараа.

«РАПИД Гран-При России» гэһэн мүрысөөнэй финальна шата энэ үдэрнүүдтэ Ханты-Мансийск хотодо эхиеэ абахань. Эрхим 16 шатаршадай дунда Жамсаран Цыдыпов оронхой.