​Һур харбалгаар Буряадай залуу халаан урагшаа дабшана

Эдиршүүлэй дунда “Надежды России” гэһэн бүхэроссиин мүрысөөн эхиеэ абаба. Түрүүшын шата декабриин 12-то онлайн аргаар эмхидхэгдээ.

Тус мүрысөөндэ 28 можо хизаарнуудай 631 хүн хабаадана. Тэдэ наһанай хоёр бүлэгтэ гэр гэрһээ харбана гээшэ. Буряад Уласые 94 хүн түлөөлнэ гээд хэлэлтэй.

Нэгэдэхи шатын удаа Буряадай найман тамиршан шангай һууринуудые эзэлнэ. 2001-2003 онуудай харбаашадай дунда Виктория Харитонова түрүүлжэ ябана. Сергей Шенхоров 2-дохи һуурида гаранхай. Энхэ Бабуев болон Номин Бальжинимаева гэгшэд 3-дахи һуури эзэлнэ.

2004-2007 онуудай тамиршадай дунда Алина Зайганова түрүүлнэ. Аюр Шамбуев 2-дохи һуурида, Сергей Болдохонов ба Марина Агванова – 3-дахи һууринуудта ябана.  

Һүүлшын 2-дохи шата декабриин 19-дэ болохоор хараалагдана.