​Онлайн аргаар мүрысөөндэ Буряадай даамшад түрүүлнэ

Даам наадалгын Кемеровскэ федерациин онлайн аргаар эмхидхэһэн нээмэл мүрысөөндэ Буряадай даамшад шалгараа.

Уласхоорондын даам наадалгын мүрысөөн СССР-эй спортын мастер Николай Чирковой дурасхаалда зорюулагдажа, Ородой 11 можо хизаарнуудай 81 хүн хабаадаа.

Ехэшүүлэй дунда Кабанск аймагай мэдээжэ һоригшо Владимир Еланов түрүү һуури эзэлээ. Тэрээнэй шаби Екатерина Кибалина 14 наһа хүрөөдүй тамиршадай дунда 2-дохи һуурида гараа. Селенгинск һууринай Жаргал Раднаев 17 наһатай тамиршадай дунда хүрэл медаляар шагнагдаа. Улаан-Үдэ хотын Сарюна Гомбоева 14 наһатайшуулай дунда гурбадахи һуурида гараһан байна.