​Буряадай тамиршад спортын мастерай нэрэ зэргэдэ хүртэбэ

Һара бүриин эсэстэ Ородой спортын яаманай сайд хндэтэ нэрэ зэргэнүүдтэ хүртэгшэдэй данса дээрэ гар табидаг заншалтай.

2021 оной январиин зарлиг харахажа баярлахаар.  “Ородой спортын мастер” гэһэн нэрэ зэргэдэ хүртэгшэдэй тоодо Буряадаймнай аяар 17 тамиршан оролсоно. Гиир үргэдэг Роман Якушев, тхэквондогоор бэеэ һоридог аха дүү Михаил болон Ангелина Пищалкинууд, Зорикто Тугульдуров гэгшэдые нэрлэмээр. Эгээл олоор спортын мастернууд һур харбаашадай болоһониинь гайхалгүй. Бүхы дээрээ 13 хүн тоологдоно.

Орёл хотодо һаяын үдэрнүүдтэ үнгэргэгдэжэ байһан һур харбалгын мүрысөөнүүдтэ Буряадай үшөө 8 тамиршад спортын мастерай норматив дүүргээ. Радмила Шойдонова, Марина Агванова, Энхэ Бабуев, Сергей Болдохонов, Александр Гонгоров, Аюр Шомбуев, Диана Ошорова болон Владимир Доржиев гэгшэдэй саарһа дансанууд бэлдэгдэжэ, удангүй Москва эльгээгдэхэ.