Сагаан һарын мүрысөөнүүд

Захааминай аймагай Хуртага, Сагаан-Морин, Ехэ-Сахир һууринуудта Һэер шаалгаар мүрысөөнүүд эмхидхэгдэжэ, эдиршүүл, ехэшүүл хаба шадалаа туршалсаа. Хуртагада һэер шаалганда Абарга боложо тодорһон Дондок Гуржаповта гол шан - мотоцикл үгтөө. Нютагай зон тус шан байгуулжа, хамтын хүсөөр унаа абаһан байна.

Ерэхэ амаралтын үдэрнүүдтэ Шара-Азарга нютагта мүн лэ Һэер шаалганай «Үетэн» мүрысөөн эмхидхэгдэхэнь. Энэ турнир 2020 ондо түрүүшынхиеэ үнгэргэгдэжэ, саашадаа заншалта болгогдоһон юм.

Шара-Азаргын ажаһуугшад, нютагһаа гарбалтай хүбүүд басагад хабаадаха эрхэтэй. Нэгэ командын бүридэлдэ 4 хүн байха, 28 һэер абаад ерэхэ болоно.  Хабаадагша бүхэн заншалта буряад хубсаһаа үмдөөд байха ёһотой. Улаан гараараа һэер шаагдаха.

Хубиин болон командын тоосоогоор мүрысөөндэ амжалта туйлагшад элирүүлэгдэхэ. Хубиин тоосоогоор хабаадагшад гурбан бүлэг хубаарха:

10-17 наһатай эдиршүүл;
2. 18-36 эрэшүүл;
3. 37 наһатайһаа дээшэ.
Мүрысөөнэй Абаргада хонин бэлэг, мүнгэн шан барюулагдаха.