518
Мүнөөдэр Улаан-Үдэ хотодо һур харбалгын лукодром нээгдэхэнь. Буряадаймнай тамиршад хэдэн жэлэй туршада өөһэдын тусхайта байшантай болохые хүлеэжэ, жэлэй дүрбэн сагта һорилгоёо хэхэ аргатай болоһондоо баяртай. Энэ лукодром хушалтатай, тиимэһээ Ород Улас дотор иигэжэ баригдаһан түрүүшын тамирай байшан болоно.
2016 ондо Олимпиин наадануудта Буряадай тамиршан Инна Степанова хабаадажа, мүнгэн шанда хүртэһэнэйнь удаа, манай уласта һур харбалгын байшан бариха гэһэн түсэлөөр ажал ябуулагдажа эхилһэн байна.
Байшан 5 мянган дүрбэлжэн метртэй, һур харбалгын талмайн утаниинь 78 метр болоно. Энэнь Олимпиин наадануудай эрилтэдэ таарама.
Һур харбалгын байшанай нээлгын ёһололдо Ород Уласай спортын сайд Олег Матыцин хабаадалсаха. Энээнһээ гадна сайдта Ивалгын аймагай Сотниково һууринда баригдаһан барилдаанай түхэреэн гэр, Мүльһэнэй ордон, Физкультура-болон спортын комплекс харуулагдаха.
Фото: Baikal-daily.ru
