407
«Байгалай миля» гэжэ нэрлэгдэһэн гранд-тур мүнөөдэр Санкт-Петербург хотодо эхилжэ, Буряад Улас тээшэ шэглэл абаба.
Энэ хэмжээндэ автоунаагаар ябагшад хабаадажа, Ород Уласай дэбисхэр дээгүүр гараха. Красноярск, Тюмень, Новосибирск, Екатеринбург, Уфа, Казань, Нижний Новгород хотонуудаар – хамта дээрээ 6000 гаран модо дабагдажа, Улаан-Үдэ хото хүрэжэ ерэхэ түсэбтэй. Турта хабаадагшад Байгал далайн эрьедэхи Максимиха газарта хүрэжэ, тэндэ мүльһэн дээрэ урилдаа үнгэргэхэ һанаатай.
Ородой географиин холбооной эдэбхитэн энэ хэмжээ эмхидхэжэ, бэлэдхэл ехэтэй зон хабаадалсаха эрхэдэ хүртөө. Эдэнэр аянайнгаа үедэ ябаһан газарайнгаа түүхэтэ баримтануудые тодорхойлхо, һонин зонтой уулзаха болоно.
Фото: vk.com/baikalmile
