630
Тверь хотодо ажаһуудаг Иракли Удзилаури Байгал далайе велосипедээр гаталха хүсэлтэй. Аяншан мүнөөдэр Севоробайкальск хото поездоор ерэхэнь. Тэндэһээнь арбан үдэрэй туршада велосипедээр Байгал далайн мүльһэн дээгүүр ябажа, Эрхүүгэй Слюдянка хүрэхэ һанаатай. Хамтадаа 600 гаран модо гаталагдахань.
Залуу тамиршаниие далайн ехэ мүльһэн, хүйтэн һүнинүүд, шанга һалхин угтан абаха.
Иракли энэ аянда үнинэй бэлдэжэ эхилһэн байна. Саһатай харгыгаар велосипедээр ябаа, бэе тамираа бэхижүүлээ. Байгал далайе «фикс» түхэлэй велосипедээр гаталха. Иимэ хүнгэн унаагай педаль ходо эрьюулэгдэжэ, хүлдэнь хүндэшэг байха болоно.
Фото: pixabay.com
