​Буряадай Сэлэнгын аймагай команда - «Мини-футбол в школу» түсэлэй түгэсхэлэй шатада

Буряад Уласай Сэлэнгын аймагай Гусиноозёрск хотын 2-дохи гимназиин бага футбол наададаг 2007-2008 оной тамирша басагад «Мини-футбол в школу» гэһэн мүрысөөндэ 1-дэхи һуури эзэлбэ. Тэдэнэр Хабаровскын команда 3:0 гэһэн оноотойгоор илажа, түгэсхэлэй шатада оробо.

Удаань энэ команда апрелиин 10-да Нижний Новгород түгэсхэлэй шатада хабаадаха. Командын һоригшонь - Арсалан Дамдинович Ринчинов

Ородой Холбоото Улас дотор «Мини-футбол в школу» гэһэн түсэл 2005 онһоо бэелүүлэгдэнэ гээд тэмдэглэлтэй. Түрүүшын нааданда 6 можо нютагай 2500 һурагшад хабаадаа. Саашадаа хабаадагшадай тоо 1,5 сая хүн болоһон байна. Ородой Холбоото Уласай спортын яаман болон Ородой мини-футболой эблэл тус түсэл эмхидхэнэ.