​Буряадай ветеранууд гэр гэрһээ шатар наадаа

Онлайн аргаар үнгэрһэн уласай мүрысөөндэ Буряадай шатарай наадагшадай аха захатан хабаадаһан байна. Элдэб наһанай бүлэгтэ дүрбэн илагша тодороо.

“Союз пенсионеров России” бүлгэмэй Буряадтахи таһагай эмхидхэһэн хэмжээ ябуулгада 44 хүн хабаадаһан байна. Үргэн Буряадай 18 хото һууринуудые тэдэ түлөөлөө гээд хэлэлтэй.

70 наһа хүрөөдүй тамиршадай дунда Дээдэ Саянтын Африкан Андреев 7,5 очко абажа түрүүлжэ гараа. Эхэнэрнүүдэй дунда Аршаанай Лидия Митыпова 1-дэхи шанда хүртөө.

Улаан-Үдэ хотын Владимир Иринчинов болон Татьяна Агафонова гэгшэд 80 наһа хүрөөдүй наадагшадай дунда чемпионууд болоо.