​Буряадай Тамир Галанов бүхэроссиин мүрысөөндэ шангай 3-дахи һуури эзэлбэ

Дэлхэйн чемпионадта хүрэл медальда, Европын чемпионадай мүнгэн медальда хүртэгшэ, Ородой 4 дахин абарга Тамир Галанов боксын ринг дээрэ гараба. Бүхэроссиин мүрысөөндэ тэрэ 3-дахи һуури эзэлээ. Үшөө хоёр тамиршад түрүүшүүлэй тоодо оролсоо.

2019 оной эхиндэ Тамир Галанов шэгнүүрээ бага болгохын тулада эм уугаад, допинг эдеэ гэжэ хардуулагдажа, спортһоо хоёр жэлээр зайсуулагдаһан байна.

Хоёр жэл “амарһанай” удаа Тамир түрүүшынхиеэ бүхэроссиин мүрысөөндэ үнгэрһэн долоон хоногой эсэстэ хабаадаба. Балашиха хотодо эмхидхэгдэһэн “А” түхэлэй мүрысөөндэ суута тамиршантай хамта һоригшо Виктор Агеевэй шангуудта хабаадагшад байгаа. Гол шанда тэндэ хүртөөшьегүй һаа, Тамир Галанов хүрэл медаль абажа шадаа.

Эрэшүүлэй дунда тулалдаануудта Бэшүүрэй аймагһаа гарбалтай Георгий Кушиташвили шанга тулалдаануудта хабаадаа. Тэрэ гурбан уулзалга үнгэргэхэ аад, оройдоол 1,5 тулалдаанда хабаадаа. Юуб гэхэдэ, нэгэниинь Георгитой шаалсахаяа гараагүй. Финалда өөрөө Георгий нэгэдэхи шатын удаа шаалсахаяа болёо. Тиигэжэ тэрэ шангай 2-дохи һуурида гараа.

 Эхэнэрнүүдэй дунда мүрысөөндэ Наталья Шадрина хоёр уулзалгада илажа гараад, чемпионой нэрэ зэргэдэ хүртөө.