​Буряадай эдир боксёрнууд Алас Дурнада шалгараа

Южно-Сахалинск хотодо үнгэргэгдэһэн Алас Дурна зүгэй федеральна тойрогой мүрысөөндэ Буряадай боксёр хүбүүд табан медальда хүртөө.

Тус мүрысөөндэ 13-14 наһатай үхибүүд тулалдаһан байна. Түрүү һуури эзэлхын түлөө 150 гаран хүн хабаадажа, илагшад 16 шэгнүүртэ элирүүлэгдээ.

Өөр өөрын шэгнүүртэ Кирилл Акулаев болон Бэликто Зайганов гэгшэд мүнгэн медальнуудаар шагнагдаа. Александр Фурманов, Тамерлан Поздняков болон Кирилл Кизелев гэгшэд гурбадахи һууринуудта гараа.