​Буряадай Бабантын аймагта тамирай шэнэ танхим баригдаа

Буряад Уласай Бабантын аймагай Маловский һууринда Алас Дурнын тойрогой тэдхэмжын хэмжээндэ һомологдоһон мүнгөөр тамирай танхим баригдаа.

Буряад Уласай Толгойлогшо Алексей Цыденов видеохолбоогоор нээлгын ёһололдо хабаадаһан байна.

- Тамирай танхим үдэртөө, үдэшэндөө нээгдээтэй байха ёһотой. Энэ талаар аймагай болон һургуулиин хүтэлбэрилэгшэдтэ ханданаб. Бэеэ һорихо дуратайшуул һаадгүйгөөр орохо аргатай байг лэ, - гэжэ Алексей Цыденов тэмдэглэбэ.

Энээнһээ урид тамирай хэшээлнүүд соёлой байшанда үнгэрдэг һэн гэжэ Маловский һууринай староста, багшын ажалай ветеран  Дмитрий Бельков хэлэбэ.

Тамирай шэнэ танхим спортын хэрэгсэлнүүдээр хангагдаха. Буряад Уласай спортын болон залуушуулай бодолгын талаар сайд һургуулида уласай хүтэлбэрилэгшын зүгһөө 100 мянган түхэригэй үнэмшэлгэ барюулаа. Тиихэдэ Бабантын аймагай захиргаан һургуулиин материальна-техническэ бааза бэхижүүлгэдэ үшөө нэгэ үнэмшэлгэ бэлэглээ.

Алас Дурнын тойрогой тэдхэмжын хэмжээндэ тамирай танхим барилгада федеральна бюджедһээ 43,6 сая түхэриг һомологдоо, Буряад Уласай бюджедһээ 440,9 сая түхэриг гаргашалагдаһан байна.