Удаан хүлеэгдэһэн наадан

Нёдондо жэл Япон гүрэнэй Токио хото болохо аад, хорото хамшагай тараһанһаа хойшолуулагдаһан зунай Олимпиин нааданууд байгша ондо үнгэргэгдэхэ юм.

-Тамирай элдэб зүйлнүүдээр дэлхэйн эрхимүүдые элирүүдэг энэ наадан харагшадгүйгөөр үнгэргэгдэжэ магад. Халдабарита үбшэн үшөө һайнаар буураагүй гэжэ ойлгохо хэрэгтэй", - гээд тус наада эмхидхэгшэдэй нэгэн Таро Коно гэжэ нэрэтэй сайд Asahi теле-субагай агаарай долгиндо хэлэһэн байна.

Ээлжээтэ Олимпин нааданууд байгша оной июлиин 24 – һээ августын 19 болотор үнгэргэгдэхэ гээд хараалагдана. Гадаада гүрэнэй айлшадые оруулхагүйбди гэжэ, эмхидэн байгуулагшад мартын 20 - до болоһон суглаан дээрэ шиидхэбэри абаһан юм. Харин нютагай зонуудые оруулха, болихо тухай үшөө шиидхэбэри абтаха ёһотой.

Японой Кyodo гэһэн эмхиин эмхидхэһэн асуултын дүнгөөр нютагай 39,2 % ажаһуугшад тус нааданай үнгэргэгдэхые огто хориһон байна. Харин 32,8 % хуби ажаһуугшад бүри саашань хойшолуулха тухай хэлэбэ. Асуултада хабаадаһан зоной 24,5 % хүн Олимпиин наадануудые заатагүй үнгэргэхэ хэрэгтэй гэжэ мэдүүлээ.