Буряадай гүрэнэй һоригшын амжалта

Апрелиин 19-дэ буряад һур номшоор харбалгаар Үбэр Байгалай хизаарай нээмэл мүрысөөн 11-дэхиеэ үнгэргэгдөө. Эсэгэ ороноо хамгаалгын Агууехэ дайнда хабаадаһан, СССР-эй спортын мастер, РСФСР-эй габъяата һоригшо Дандар Дансаранович Дансарановай мүнхэ дурасхаалда тус мүрысөөн зорюулагдаа.

Буряад болон Саха-Яхад Уласуудай, Үбэр Байгалай хизаарай 20 гаран командын бүридэлдэ 200-аад тамиршад харбаанда хабаадалсаа.

Эхэнэрнүүдэй дунда Буряадай Сэсэг Доржиева абсолютна чемпионой нэрэ зэргэдэ хүртөө. Финальна шатада Агын тойрогой гурбан түлөөлэгшэдые хойноо үлөөгөө.

Сэсэг Доржиева хадаа хэдэн жэлэй туршада һур харбалгаар Буряад Уласай гүрэнэй һоригшоор амжалтатайгаар хүдэлжэ байдаг.