Урилдажа, оршон тойронхи байгаалияа шэмэглэе

Бүхэроссиин «Зелёный марафон» хэмжээндэ хабаадагша хотонуудай тоодо Улаан-Үдэ, Севоробайкальск хоёр оруулагдаба. 
Тиимэһээ байгша оной июниин 5-да Оршон тойронхи газарай Бүхэдэлхэйн үдэр Ород Уласай 180 хотонуудай паркнууд соо марафон үнгэрхэһөө гадна, модонууд, һөөгүүд һуулгагдаха болоно. Хамтадаа 180000 модон таригдаха түсэбтэй. Спортдо дуратайшуулай дунда урилдаагаар 2 мүрысөөн эмхидхэгдэхэ. Тамиршад спортын талмайда болон харгыгаар гүйхэ дуратай байһанаа уридшалан тодорхойлжо, эмхидхэгшэдтэ мэдүүлгэ бариха ёһотой. Урилдаанай удаа хотын зохид паркнууд соо модод олоор һуулгагдаха.