Футболоор Буряадай чемпионат эхилбэ

Футбол наадалгаар Буряад Уласай чемпионат эдэ үдэрнүүдтэ эхилбэ. Энэ жэл 15 команда хабаадалсахань.
Апрелиин 29-дэ жэрээб татажа, майн 7-до Турунтаево болон Хориин суглуулагдамал команданууд түрүүшын уулзалга үнгэргэбэ. Майн 14-дэ Улаан-Үдэ хотын түбэй стадион дээрэ «Бурятия-М», «Спарта» команданууд уулзахань. Майн 16-да Гусиноозерск хотын команда Буряадай гүрэнэй багшанарай ехэ һургуулиин футболистнуудтай тулалдаха. Энэл үдэр Зүүн Сибириин технологическа ехэ һургуулиин тамиршад «102-ГТРК» командатай хабаяа туршалсаха болоно.