​Буряадай барилдаашан Ананда Дашиев оюутадай бүхэроссиин мүрысөөндэ шалгараа

Буряадай гүрэнэй дээдэ һургуулиин оюутан, “Хобой” гэһэн спортклубай гэшүүн Ананда Дашиев шангай 3-дахи һуури эзэлээ.

Раменское хотодо оюутадай дунда бүхэроссиин мүрысөөн эмхидхэгдээ. Тус мүрысөөн оюутадай дунда Ородой чемпионадтай зэргэтэй байгаа. Тиимэһээ олон можо хизаарнууд түрүү тамиршадаа эльгээгээ.

Ананда Дашиевай барилдаһан 57 килограммай шэгнүүртэ 16 хүн хибэс дээрэ гараа. Түрүүшын үдэр тэрэ Саха-Яхад Уласай гурбан түлөөлэгшэдтэй уулзаа. Егор Явловский болон Фёдор Постников гэгшэдые илажа шадаад, Алексей Копыловто шүүгдэшөө. Шангай 3-дахи һуури эзэлхын түлөө тулалдаанда Москвагай Манчара Ильинов гэгшые 10:0 гэһэн тоотойгоор шүүжэ, хүрэл медаляар шагнагдаа.

Бүхы дээрээ Буряад Уласые оройдоол табан хүн түлөөлөө гээд хэлэлтэй.