​Буряад ороной хойто зүгтэ урилдана

Хурамхаанай аймагта гүрэнэй эмхи зургаануудай ажалшадай дунда олон жэлэй туршада таһалгаряагүй профсоюзна эмхиин спартакиада боложо үнгэрдэг юм. Энэ удаа майн 14-дэ Хурамхаанай 1-хи дунда һургуулиин дэргэдэ тамирай энэ мүрысөөн боложо эмхидхэгдэбэ. Элүүр энхэ байдал, тамирта дуратайгаар залуушуулаа һургаха гэһэн зорилго урдаа табин иимэ наадан хүхюүтэй, зугаатайгаар үнгэргэгдэдэг юм.

Хабарай энэ нааданда хабаадаха дуратай аймагай 7 команда сугларба. Сагаалса буудаха, богони зайда гүйлдэхэ, аргамжа татаха, хүл бүмбэгэ наадаха гэһэн урилдаанда эрхимууд элирүүлэгдээ.

- Суг хүдэлдэг нүхэдөө 2 һуурида гаража шадаһандань халуунаар амаршалнаб. Олон ажалшаднай баярай бэшэгүүдээр урмашуулагдаа. Иимэ урилдаа үнгэргэһэн эмхидхэгшэдтэ баяраа мэдүүлнэб, - гэжэ «Арзгун» нютагай һомон дарга Тарас Евреев дуулгана.