​Барилдаанай хоёр ордон Буряадай Ахын аймагта нээгдэбэ

Буряад Уласай Ахын аймагай Хужар болон Саяан нютагуудта барилдаанай хоёр ордон баригдаба. Буряадай Толгойлогшо Алексей Цыденов Ахын аймагта албанай хэрэгүүдээр ябахадаа, нээлгын баяр ёһололдо хабаадалсаа.

Хужар нютагта барилдаанай ордон ТОС-уудай түсэлнүүдэй хэмжээндэ баригдаһан байна. «Бурунгольское» һомон болон «Центральный» гэһэн ТОС хүсөө нэгэдүүлжэ, ажал ябуулаа. Барилгада 2,6 сая түхэриг гаргашалагдаа.

Нэгэ дабхар байшан 166,6 дүрбэлжэн метр талмайтай юм. Хүбүүд, басагад ами аминдаа хубсаһаа һэлгэхэ, таһагууд, бэеэ заһаха, угааха газар баригданхай.

Хүршэ Саяан нютагта барилдаанай ордоной барилгада «Эрхим ТОС» гэһэн уласай мүрысөөнэй хэмжээндэ 570 мянган түхэригэй грант үгтэһэн юм. Тиихэдэ һомоной захиргаан газарай нөөсэ ашаглагшад болон Саяанһаа гарбалтай хүнүүдтэ туһа хүргэхын хандаһан байна.