504
Буряад Уласай Хурамхаанай аймагай Бархан нютагта нёдондо намартаа барилдаанай танхимдаа ехэ заhабарилгада орожо, баяртай үйлэ хэрэг болоһон юм. Энэ жал Буряадай эдэй засагай яаманай тусхай программаар бэелүүлэгдэhэн байна. 2,5 сая түхэригэй тэдхэмжэ Буряадай Арадай Хуралай һунгамал Баир Гармаевай туhаламжаар hомологдоо гээд тэмдэглэлтэй.
Хурамхаанай багашуул хүдөөгэйнгөө ажал дүүргээд лэ, үдэр бүри барилдаанайнгаа танхимда яарадаг. Цыден Дамбаевич hоригшонь үхибүүдээ угтан абажа, тамирай бүхы нюусануудтай танилсуулдаг, илангаяа барилдаанда дурлууланхай. Анханиинь хүйтэн, бүрүүл газарта hорилгонуудаа хэдэг hаа, мүнөө үхибүүдшье, багшанарашье ехэл баяртайнууд.
Байшанда заhабарилгын ехэ ажал хэгдээ. Хананууд сэхэлэгдээ, шалань hэлгэгдээ, шэнэ сонхонууд табигдаа, зайн гал оруулаад, дулаасуулгын оньhон түхеэрэлгэнүүд хабсаргагдаа. Мүнөө үхибүүд дулаахан зал соо hорилгонуудаа хэхэ аргатай.
Автор: Эрдэни РАДНАЕВ
Фото: БГТРК
