​Монголой боксёрнууд Азиин чемпионадта шалгараа

Дубай хотодо эрэшүүлэй болон эхэнэрнүүдэй дунда боксоор Азиин чемпионат һаяхана түгэсэбэ. Тэндэ Монголой тамиршад найман медальда хүртөө.

Эрэшүүлэй дунда тулалдаанууд 10 шэгнүүртэ болоһон байна. Табан шэгнүүрэй финалдань Монголой тамиршад хабаадаа. Тиигэжэ тэдэ гурбан алтан болон хоёр мүнгэн медальнуудта хүртөө. Энх-Амар Хархуу 56 килограммай шэгнүүртэ чемпион боложо тодороо. 60 килограммда Эрдэнэбат Цэндбаатар түрүүлээ. Чинзориг Баатарсух 64 килограммда түрүүлжэ гараа. Зургаан алтан медаль Узбекистанай боксернууд абажа шадаа. Индиин нэгэ тамиршан түрүүлээ.

Эхэнэрнүүдэй дунда тулалдаануудта Монголой табан басагад сооһоо гурбаниинь хүрэл медальда хүртэһэн байна. Казахстанай аяар найман эхэнэр Азиин чемпионууд болоо. Узбекистанай болон Индиин нэгэ-нэгэ түлөөлэгшэ 1-дэхи һууринуудые эзэлээ.