765
Эдэ үдэрнүүдтэ Париж хотодо һур харбалгаар Дэлхэйн кубогта хүртэхэ талаар мүрысөөнэй гурбадахи шата үнгэргэгдэнэ.
Тиигэбэшье Бүхэроссиин федерациин хүтэлбэрилэгшэ, ахамад һоригшо Владимир Ешеев турнирай дүүрээгүйдэ, Олимпиин нааданда хабаадаха суглуулагдамал командын гэшүүдые нэрлэбэ. Эхэнэрнүүдэй суглуулагдамал команда Олимпиин надануудта 2019 оной дэлхэйн чемпионадай дүнгүүдээр элирүүлэгдээ һэн. Тиихэдэ Ксения Перова, Елена Осипова, Инна Степанова гэгшэд четвертьфиналда ороһон байна. Гүрэнэй суглуулагдамал командын һоригшодой штаб энэ бүридэлэй ганса Буряадай тамиршадые һэлгээ. Тиигэжэ Токио ошохо эрхэдэ залуу тамиршан Светлана Гомбоева хүртөө.
Олимпиадада хабаадах эрхэдэ эрэшүүлэй дунда Үбэр Байгалай хизаарай Галсан Базаржапов дэлхэй шэлэн абалгын һүүлшын мүрысөөндэ хүртөө.
Фото: World Archery
