​Буряадай Стальвира Оршуш Олимпиин наадануудта хабаадаха

Барилдаагаар эхэнэрнүүдэй Ородой Холбоото Уласай суглуулагдамал командын һоригшодой штаб июлиин 1-дэ Токиодо үнгэрхэ Олимпиин наадануудта гүрэнөө хэд түлөөлхэб гэжэ дуулгаһан байна. Суглуулагдамал командые Эрхүү можоһоо гарбалтай, дэлхэйн хоёр удаа чемпион Наталья Воробьва хүтэлхэ. Тиихэдэ 50 кг хүрэтэр шэгнүүртэ Буряадай тамиршан Стальвира Оршуш командын бүридэлдэ ороһон байна. Тэрэ түрүүшынхиеэ Олимпиадада хаба шадалаа туршаха.

Стальвира 28 наһатай, тэрэ Улаан-Үдэдэ түрэһэн юм. Ородой суглуулагдамал командын бүридэлдэ тэр 2014 онһоо хойшо ородог.