Тобшо һонин

Барилдаан

Новочебоксарск (Чуваш Улас). Залуушуулай Спартакиадын бүридэлдэ оруулагдаһан барилдаанай мүрысөөнэй финальна шатада Буряадай тамиршад оройдоол нэгэ медальда хүртэһэн байна. Гэхэтэй хамта Алас Дурна зүгэй шатада тэдэ түрүүлээ һэн гээд һануулая.

Финалда хабаадаһан Буряадай дүрбэн тамиршадай дундаһаа Аюр Нимаев һайн дүн харуулаа. 92 килограммай шэгнүүртэ тэрэ хүрэл медаляар шагнагдаа. Алдар хадаа Буряадай мэдээжэ барилдаашан Нима Нимаевай хүбүүн юм (зураг дээрэ).

Баскетбол

Киров. Дунда һургуулинуудай командануудай дунда “КЭС-баскет” гэһэн бүхэроссиин түсэлэй финальна шатада Буряадай тамиршад хабаадаһан юм.

Улаан-Үдэ хотын Октябрьска районой команда Буряад Уластаа, Алас Дурна зүгэй федеральна тойрогто илалтануудые туйлажа, финальна шатада хабаадаха эрхэдэ хүртөө һэн.

Сугларһан 16 командын дунда улаан-үдынхид 7-дохи һуури эзэлээ.

Футбол

Шэтэ. Бүхэроссиин мүрысөөнэй шэлэн абалгын шатанууд үнгэргэгдэжэ байнхай. Сибириин болон Алас Дурна зүгэй тулалдаануудта Буряадаймнай эдиршүүл наадана.

2005 оной хүбүүдэй дунда Буряадай футболистнууд шангай 2-дохи һуури эзэлжэ, удаадахи шатада хабаадахань. Дүрбэн нааданда тэдэ 8 очко абаад, ганса Красноярска хизаарай Минусинск хотын командые урдаа табяа.

2006, 2007, 2008 онуудай Буряадай команданууд бирагүйдэжэ, финалда орожо шадаагүй.

Красноярск. Һайн дуратанай командануудай дунда мүрысөөндэ хабаадажа байһан “Бурятия” команда “Сибирь” бүлгэмдэ 10-14-дэхи һууринуудай түлөө наадаха. Эдэ нааданууд Алтайн хизаарай Бийск хотодо болохоор хараалагдана. Бийскын “Строитель”, Рубцовск хотын “Торпедо”, Барнаулай “Алтай” болон “Шэтэ” командануудтай Буряадай футболистнууд уулзаха юм. Шатар Владивосток. Уласхоорондын гроссмейстер Жамсаран Цыдыпов түргэн шатараар Ородой Кубогта хүртэхын түлөө мүрысөөндэ хабаадаа. “Город у моря” гэһэн шатарай фестивальда тэрэ 4-дэхи һуури эзэлээ. Шангай һуури эзэлхын түлөө тэрээндэ оройдоол 0,5 очко дутаа. Тюмень, Санкт-Петербург болон Архангельск хотын түлөөлэгшэд медальнуудта хүртөө. Бүхы дээрээ мүрысөөндэ 101 хүн наадаа.

Зүг шэг ололго

Барнаул. Сэлэнгын аймагһаа уг гарбалтай Дмитрий Патрин хоёрдохиёо Ородой чемпионой нэрэ зэргэдэ хүртэбэ. “Кросс-лонг” гэһэн шэглэлээр хабаадаһан 68 тамиршадай дунда тэрэ түрүүлһэн байна.

Дмитрий Патрин июлиин 17-до ганса чемпион болоо бэшэ, мүн 2-дохиёо аба болоо. Энэ үдэр тэрэнэй Татьяна нүхэрынь басага түрөө.

Ородой чемпионадай хажуугаар бүхэроссиин мүрысөөн эмхидхэгдэнэ. Мухар-Шэбэрэй аймагай Сагаан-Нуурай Андрей Юрьев 16 наһа хүрөөдүй тамиршадай дунда шангай 3-дахи һуури эзэлээ.

Шатар

Владивосток. Уласхоорондын гроссмейстер Жамсаран Цыдыпов түргэн шатараар Ородой Кубогта хүртэхын түлөө мүрысөөндэ хабаадаа. “Город у моря” гэһэн шатарай фестивальда тэрэ 4-дэхи һуури эзэлээ. Шангай һуури эзэлхын түлөө тэрээндэ оройдоол 0,5 очко дутаа. Тюмень, Санкт-Петербург болон Архангельск хотын түлөөлэгшэд медальнуудта хүртөө.

Бүхы дээрээ мүрысөөндэ 101 хүн наадаа.