​Тобшо һонин

Бокс

Уфа. Ородой залуушуулай Спартакиадада боксоор мүрысөөндэ Буряадай тамиршад нэгэ медальда хүртэбэ. Дэлхэйн чемпионадта хүрэл медальда хүртэһэн Кристина Ткачёва алтан медаль бэлээр абажа шадаа.

Якутск. Буряадай мэдээжэ тамиршан Тамир Галанов үшөө нэгэ амжалта туйлаа. Саха-Яхад Уласай Боксын федерациин хүтэлбэрилэгшэ ябаһан Александр Федотовой дурасхаалай бүхэроссиин мүрысөөндэ Тамир шэнэ шэгнүүртэ ринг дээрэ гараа. 56 килограммда тэрэ хоёр хүниие диилэжэ, түрүүлжэ шадаа.

Барилдаан

Хабаровск. 24 наһа хүсөөдүй тамиршадай дунда Алас Дурна зүгэй мүрысөөндэ Буряадай тамиршад 9 медаль абаһан байна. Артур Елбаскин ори ганса алтан медаль Буряадай командада асараа. Үбэр Байгалай хизаарай барилдаашан Амгалан Бакшеев баһа түрүүлээ.

Тус мүрысөөндэ шалгарһан барилдаашад 24 наһа хүрөөдүй тамиршадай дунда Ородой чемпионадта хабаадаха эрхэдэ хүртөө. Тус хэмжээ ябуулга сентябриин 23-26-ай үдэрнүүдтэ Кызыл хотодо болохоор хараалагдана.

Футбол

Улаан-Үдэ. Ородой мүрысөөнэй Сибириин регион хоорондын финалда Буряад Уласай дүрбэн наһанай бүлэг эдиршүүл наадаха эрхэдэ хүртөө. Тэдэ Барнаул, Минусинск, Томск хотонуудта наадануудаа үнгэргэхэ. УлаанҮдэдэ 2004 оной хүбүүд наадаха юм. Август-сентябрь һарануудта финалай шата болохо юм.

Новосибирск. Буряадай эхэнэрнүүдэй команда хоёрдохи жэлээ Ородой чемпионадта хабаадахань.

Сибирь болон Алас Дурна зүгэй команданууд 1-дэхи лигэдэ наадана. Буряадай футбол наададаг басагад түрүүшын шатада Эрхүү, ЮжноСахалинск болон Красноярск хотонуудай командануудтай уулзаха. Удаадахи шатада Новосибирск, Кемеровэ болон Барнаул хотонуудай футболисткануудтай Буряадай басагад наадаха юм.

Нёдондо 1-дэхи лигэдэ Буряадай түлөөлэгшэд 9-дэхи һуури эзэлээ һэн гээд һануулая.