​Буряадай тамиршад Токио хотодо үнгэргэгдэхэ Паралимпиин наадануудта хабаадана

Мүнөөдэр, августын 24-дэ, Токио хотодо Паралимпиин нааданууд эхилнэ. Олимпиин наадануудта адляар түрүүшын үдэр мүрысөөнүүд үнгэргэгдэдэггүй. Үдэшэлэн Паралимпиин наадануудай нээлгын баяро ёһолол эмхидхэгдэхэ юм.

Ородой Холбоото Уласай Паралимпиин наадануудай хорооной 242 тамиршад мүрысөөнүүдтэ хабаадаха. Тэдэнэр августын 24-һөө сентябриин 5 болотор спортын 19 янзада мүрысэхэ. Бүхыдөө 540 медалиин түлөө тэмсээнүүд үнгэрхэ юм.

Ородой суглуулагдамал командын бүридэлдэ Буряадай тамиршад оролсонхой. Нэрлэбэл, велосипедээр урилдагша Михаил Асташов, һур харбагшад Баир Шигаев болон Татьяна Андриевская юм.

Буряадай тамиршад хэзээ, хэды сагта мүрысэхэб гэһэн тодорхой мэдээсэл эндэ харахаар.