634
Энэ хэмжээндэ хамтадаа табан зуугаад тамиршад хабаадалсаба. Тэдэнэй тоодо Захааминай аймагай баатарнууд хаба шадалаа туршалсаба. Мүрысөөнэй түгэсэхэлдэ, «Абаргын» нэрэдэ хүртэхэеэ Монголой Дорнод аймагай түлөөлэгшэ Мунхболд Захааминай аймагай Амарсана Бадмаев хоёр золгобо. Ехэ шанга тэмсээн боложо, Монголой түлөөлэгшэ амжалта туйлаба.
Захааминай хүбүүд хубиин тоосоогоор өөһэдынгөө наһанай бүлгэмүүд соо амжалта туйлажа, шангай түрүү һууринуудые эзэлээ. Амарсана Бадмаев 14-17 наһатай хүбүүдэй дунда түрүүшын һуурида гараа юм. Тиихэдэ Баир Доржиев, Юрий Хадаев гэгшэд мүн лэ амжалтануудые уласхоорондын мүрысөөндэ туйлаба. Түнхэнэй, Эрхүү можын болон Агын тойрогой тамиршад хабаадалсажа, мүн лэ шагналай һууринуудые эзэлээ.
Фото: Сультим Доржиевай дурадхаһан гэрэл зураг
