Дахинаа эрхимлэбэ

Владимир хотодо заншалта мүрысөөн эмхидхэгдээ. Ород гүрэнэй эгээл эрхим тамиршад түрүү һуури эзэлхын түлөө барилдаа. Буряадаймнай тамиршад ялас гэмэ амжалта туйлаа.

97 килограммай шэгнүүртэ Буряадай хоёр тамиршад финальна уулзалгада хабаадаа. Николай Капустин Николай Берельтуевые шүүжэ, түрүү һуурида гараа.

61 килограммай шэгнүүртэ Иван Максимов бусадһаа шанга байжа, чемпион боложо тодороо. 74 килограммай шэгнүүртэ Руслан Торпинкеев алтан медаль абаа.

Финальна уулзалгада барилдаһан Сергей Евтюгин мүнгэн медаляар шагнагдаа.

Шэхэ хатуу тамиршад сооһоо Буряадай түлөөлэгшэд Ород гүрэн дотороо эрхим байһанаа дахин гэршэлбэ.