Главная / Новости /Спорт / ​Шанга тулалдаануудта бэлдэжэ

​Шанга тулалдаануудта бэлдэжэ

12-02-2020

Людмила Воронцова

Венгриин Дебрецен хотодо аяар 64-дэхиеэ боксоор уласхоорондын мүрысөөн эмхидхэгдэбэ. Мүнөө жэлэй тулалдаануудта Буряадай тамиршан Людмила Воронцова алтан медаль абаа.

Олимпиин наадануудта шэлэн абалгын мүрысөөн Лондондо март соо болохоор хараалагданхай. Ородой суглуулагдамал команда тэрээндэ бэлэдхэл хэжэ байха зуураа тамиршадаа энэ мүрысөөндэ шалгаһан байна.

Эхэнэрнүүдэй дунда түрүү боксёрнууд ринг дээрэ гараа. 57 килограмм хүрэтэр шэгнүүртэ “Номто” гэһэн спортын клубай гэшүүн Людмила Воронцова Швейцари, Турци, Венгри болон Инди гүрэнүүдэй түлөөлэгшэдые шүүжэ, I һуури эзэлээ.

Ородой суглуулагдамал командын бүридэлдэ оруулагдаһан Светлана Солуянова болон Земфира Магомедалиева гэгшэд түрүү һууринуудта гараа. Екатерина Дынник мүнгэн медаль абаа. Мүн Саадат Далгатова III һуури эзэлээ.

Анна Огороднигой гээрл зураг

Борис БАЛДАНОВ

Теги: Венгри боксоор мүрысөөн Людмила Воронцова Дебрецен



Наши издания