759
Энэ аймагай ТОСуудай hүүлшын хамтын ехэ ажал гэхэдэ – барилдаанай түхэреэн томо гэр барижа эхилээд дүүргэхээ байна. Буряадаймнай бүхы аймагуудта барилдаанай түхэреэн гэрнүүдые барижа эхилhээр үнинэй, харин Хурамхаанай эдэбхитэд шэнэ барилгын материал хэрэглэжэ (пенополистиролбетон) ханынь бодхоогоо.
Хурамхаанай ТОСуудай эдэбхитэд энэ ажалаа өөhэдөө эхилээ, удаань эндэ аймагай захиргаанай талаhаа ехэ туhа ороо гээд эдэбхитэд хэлэнэ.
«2021 оной эрхим ТОС» гэhэн Буряад Уласай мүрысөөнэй дүнгүүдээр шангай hуури эзэлhэн ТОСууд мүнгэеэ суглуулжа, барилгаа дуудаха материалнуудаа хамhажа абаа. Тиихэдэ Буряад Уласай спортын болон залуушуулай политикын яаманай грантда хүртэжэ хушалта абаа.
Намартаа шэнэ hуралсалай жэлэй эхиндэ дашарамдуулан барилдаанай тухэреэн гэр нээгдэжэ, ерээдүйдэ ехэ абарганууд урган гараха гэжэ Хурамхаанай ТОСуудай эдэбхитэд найдана. 
Спортын сайд, мүнөө Гүрэнэй Дүүмын hунгамал Вячеслав Дамдинцурунов hуури шудхалсана
Автор: Логинов Бато-Жаргал
Фото: Хурамхаанай аймагай ТОСууд бүлгэмhөө
