Буряад Уласай Толгойлогшо Алексей Цыденов хүдөө ажахын һалбариин ажалшадые амаршалаад, юрын бэшэ ажалайнь түлөө баяр хүргөө.
- Мүнөө сагта, илангаяа эдеэ хоолой талаар аюулгүй байдал сахилгын асуудалнуудай шухала болоод байхада, манай орондо бэшэ гүрэнүүдэй дурагүй болоһон оршондо өөрынгөө бэеэ дааһан байдалые хамгаалжа, хүндэхэн сагта Россиин бүхы ажаһуугшадые амтатай болон шанартай эдеэ ундаар хангалга тон шухала болоно. Энээниие таанад эрхим һайнаар дүүргэнэт, манай республикада хүдөө ажахы тон һайн хэмжээндэ. Эдэ бүгэдэ – таанадай үдэр бүриин, түхэреэн жэлэй үрэ дүн, - гэжэ Алексей Цыденов хэлээ.
Мүн баһа эб хамтын ажал һайнаар нүлөөлнэ гэжэ тэрэ тэмдэглээ. Байгша ондо миллиард шахуу түхэриг һомологдожо, республикын хүдөө ажахын нэгэдэлые федеральна болон республиканска һан жасануудһаа дэмжэгдээ. Буряад орондо шэнэ түлэбүүд бэелүүлэгдэнэ, мүнөө үеын технологинууд хэрэглэгдэнэ, шэнэ хэрэгсэлнүүд худалдан абтагдана, шэнэ эдэй зүйлнүүд үйлэдбэрилэгдэнэ.
Хүдөөгэй ажалшадай амжалтануудые Буряадай Арадай Хуралай Түрүүлэгшэ Владимир Павлов тэмдэглээ.
- Хүдөө ажахын нэгэдэл ба республикын хүдөө ажахы эдэ жэлнүүдтэ тогтууритайгаар хүгжэнэ. Манда шэнэ технологинуудай, таряа талханай шэнэ һайн шанарай үрэһэнүүдэй нэбтэрүүлэгдэжэ байһаниинь һайн гээшэ. Тиихэдээ эдэ хэрэгүүдые Хүдөө ажахын яаманшье, мүн баһа малшад, таряашад өөһэдөөшье үүсхэнэ. Газараа элдүүрилхэ, адуу малаа ажаллаха болон эд бараа, эдеэ хоол үйлэдбэрилхэ шэнэ техникээр хангагдана, - гэжэ Владимир Павлов тэмдэглээ.
Хүгжэлтын талаар хэлэбэл, 2022 ондо хартаабха болон мяханай зүйлнүүдые үйлэдбэрилгэ түрүү зэргэдэ гараа. Тэдээнһээ гадуур, байгша ондо бодо малай тоо толгой яһала олошороо, таряалангай газар үргэдхэгдөө. Хүдөө ажахын нэгэдэлые (АПК) мүнгэ тангаар хангалга нёдондо жэлтэй сасуулхада, 11 ху- бяар дээшэлээ.
- Энэ жэл юрын бэшэ байгаа. Тэрэ малай арһанай нодулярна дерматидһаа эхилээ, удаань элдэбын хорилтонууд, гадаадахиие өөһэдынхеэрээ һэлгэлгэ, харин зундаа зарим аймагууд гандахаяа һанаа. Тиигэбэшье бидэ хамтадаа бүхы хүндэ хүшэрые амжалтатайгаар дабажа шадаабди, өөрынгөө ажалда харюусалгатайгаар хандаабди. Энэл манда һайн дүнгүүдые туйлахадамнай туһа болоо, - гэжэ Засагай газарай Түрүүлэгшын орлогшо – Буряадай хүдөө ажахын ба хоол хүнэһэнэй сайд Галсан Дареев тэмдэглээ.
Өөрынгөө газар дээрэ хүдөө ажахын үйлэдбэридэ эб хамта ажаллажа байһан республикын хүдөө ажахын эрхим ажалшадые шагналга - хэмжээ ябуулгын эгээл баярта үйлэ хэрэг болоо. Өөрынгөө мэргэжэлтэ ажалда амжалта туйлаһан 29 эрхимүүдые элирүүлэн тэмдэглээ.
«Ургамал ургуулалгада, механизацида эрхим мэргэжэлтэн» шагналаар шагнагдаа:
- «Эрхим комбайнёр»: Иван Спиридонов - «Куйтунское» ООО-гой комбайнёр, Тарбагатайн аймаг; Владимир Авдеев - «Виста» ООО-гой комбайнёр, Бэшүүрэй аймаг;
- «Тарилгын бригадын эрхим бригадир» - Туяна Содномова КФХ «Будаев В.С.», Сэлэнгын аймаг; «Эрхим жолоошон» - Андрей Зеленкин - «Куналей Агро» ООО-гой жолоошон, Тарбагатайн аймаг; «Эрхим механизатор» - Александр Колобков - ЗАО «Сутайское», Мухар-Шэбэрэй аймаг; «Бүдүүн хоол бэлдэдэг бригадын эрхим ажалшан» - Жаргал Дашиев - «Үльдэргэ» СПК-гай механизатор, Яруунын аймаг; «Эрхим хартаабха ургуулагша» - Максим Цой - СПК «Газар», Ивалгын аймаг; «Эрхим овощ ургуулагша» - Марина Казакова - ООО «ГАГ», Сэлэнгын аймаг; «Эрхим агроном» - Олег Пак - ИП «Дагунова И.В.», Ивалгын аймаг.
«Гэрэй амитадые үдхэдэг ба загаһанай ажахынуудай эрхим мэргэжэлтэн» шангаар шагнагдаа:
- «Эрхим шубуу тэжээгшэ» - Сергей Самбялов - АО «Улаан-Үдын шубуунай фабрика»; «Эрхим хонишон» - Тулкинбек Эрматов - ИП ГКФХ «Эрматов Т.Т.», Бэшүүрэй аймаг; «Эрхим гахайшан» - Анна Астахова - «Свинокомплекс «Восточно-Сибирский» АО-гой 2-дохи участогай орлогшо дарга, Загарайн аймаг; «Эрхим адуу-шан» - Александр Дарбаков – Ахын аймагай фермер; «Һү һаалгаар эрхим оператор» - Людмила Потыльцына - СПК «Баян», Зэдын аймаг; «Эбэртэ бодо мал таргалуулдаг эрхим оператор» - Алексей Якушев - СП(А)К «Уула», Мухар-Шэбэрэй аймаг; «Эрхим зоотехник» Альбина Бурлакова - ООО «Түгнэ», Мухар- Шэбэрэй аймаг; «Эрхим загаһашан» - Евгений Суранов - СПК «Кабанский рыбозавод», Кабанскын аймаг; «Эрхим загаһа болбосоруулагша» Елена Арсентьева - ИП ГКФХ «Воротникова Е.В.», Байгал шадарай аймаг;
- «Эрхим фельдшер» Мира Апханова - Буряадай амитадай үбшэнтэй тэмсэдэг республиканска станциин Яруунын таһаг; «Эрхим ветеринарна врач» - Наталья Данзанова - Буряадай амитадай үбшэнтэй тэмсэдэг республиканска станциин Хяагтын таһаг.
«Эдеэ хоол буйлуулдаг үйлэд- бэриин эрхим мэргэжэлтэн» шагналаар шагнагдаа:
- «Эдеэ хоол буйлуулдаг үйлэд- бэриин эрхим технолог» - Наталья Непомнящих - ООО «Бичурский маслозавод»; «Эдеэ хоол буйлуулдаг үйлэдбэриин эрхим инженер» - Иван Миловидов - ООО «БУРЯТ- МЯСПРОМ»; «Эрхим хилээмэ баригша» - Инна Бушарова – Олон шэглэлтэй үйлэдбэри «БИН» ООО; «Эрхим кондитер» - Наталья Татарникова - ООО Кондитерский цех «Березка»; «Колбасна үйлэдбэриин эрхим оператор» - Нина Клёнина - ООО Мяха болбосоруулдаг «Сэлэнгэ» фабрика; «Хэрэгсэлнүүдые заһабарилдаг эрхим слесарь» - Баир Гармаев - ИП Бредний К.В., «Кондитерские Истории» цех; «Эрхим яаргашан» - Александр Шишмарев - ООО «Петропавловский мясокомбинат»; «Мүнгэ санганай-экономическа албанай эрхим мэргэжэлтэн» - Галина Будажанаева – Яруунын аймагай «Үльдэргэ» СПК- гай ахамад нарин тоосогшо; «Хүдөө нютагай сомоной хүдөө ажахыгаар эрхим дансалагша» - Капитолина Бимбаева - Мухар-Шэбэрэй аймагай «Хүсөөтэ» нютагай сомоной мэргэжэлтэн.
Мүн баһа «Гэр бүлын эрхим фермэ», «Хүдөө ажахын эд хэрэглэгшэдэй эрхим хамтарал», «Эрхим аймаг» болон «Таряашадай-фермерскэ эрхим ажахы» гэһэн урилдаануудай эрхимүүдые шагналнуудаар тэмдэглээ.
- «Гэр бүлын эрхим фермэ» - Олзын хэрэг эрхилэгшэ - Таряашанай (фермерскэ) ажахын толгойлогшо Эрдыни Норбоев (Зэдын аймаг); «Хүдөө ажахын эд хэрэглэгшэдэй эрхим хамтарал» - Хүдөө ажахын худалдаа наймаанай, болбосоруулгын эд хэрэглэгшэдэй эрхим хамтарал «Агро-Восток» (Хэжэнгын аймаг);
- «Эрхим аймаг» - «Ивалгын аймаг», засаг дарга Николай Емонаков. Түрүү гурбанай тоодо үшөө Бэшүүрэй ба Сэлэнгын аймагууд оролсоо.
- «Таряашадай-фермерскэ эрхим ажахы» - Таряашадай (фермерскэ) ажахын толгойлогшо Дыжидма Новикова (Яруунын аймаг).
Найрай түгэсхэлдэ дамжуулгын туг «Таряашадай-фермерскэ эрхим ажахы» гэгдэһэн ажахын толгойлогшо Дыжидма Новиковада барюулагдаа.
- «Эдеэ хоол буйлуулдаг эрхим үйлэдбэри» - ООО «Хлебушек».
Мүн баһа дамжуулгын туг ООО «Хлебушек» үйлэдбэриин хүтэлбэрилэгшэ Зандаева Александра абаа. Байгша оной август һарада энэ үйлэдбэри талханай 30 тонно зүйл хоногтоо барижа байха мүнөө үеын шэнэ завод нээгээ.
«Буряад Уласай хүдөө ажахын эрхим эмхи» - хүдөө ажахын үйлэдбэриин артель (кооператив) «Уула» (Мухар-Шэбэрэй аймаг).
«Хүдөө ажахын эрхим эмхи» урилдаанай туг Мухар-Шэбэрэй аймагай хүдөө ажахын үйлэдбэриин «Уула» артель (кооператив) - респуб- ликын хүдөө ажахын эгээл тогтууритайгаар хүгжэжэ байһан залуу үйлэдбэринүүдэй нэгэн.
Хэмжээ ябуулгын үедэ һалбариин эрхим ажалшадые баһал засагай болон албануудай шагналнуудаар шагнаа.
Буряад Уласай Толгойлогшын Баярай бэшэгээр Захааминай аймагай «Михайловка» СПК-гай малшан Юрий Батуев шагнагдаа.
Буряад Уласай Засагай газарай Хүндэлэлэй грамотаар шагнагдаа: Дулма Шултумова - Буряадай Мэдээсэлэй-методологическа түбэй экономист, Түнхэнэй аймагта хүдэлнэ; Наталья Хаптаганова - Яруунын аймагай «Үльдэргэ» СПК-гай тоосооной бүлэгэй нарин тоосогшо; Бадмадоржо Гомбожапов - Яруунын аймагай «Үльдэргэ» СПК-гай малшан; Лариса Десятова - Загарайн аймагай «БурятКонсервПром» ООО-гой стерилизатор; Евгений Устинов - Мухар-Шэбэрэй аймагай «Сутайское» ЗАО-гой механизатор; Леонид Хамаганов - Буряадай республиканска амитадай үбшэнтэй тэмсэдэг станциин Ахын таһагай ветеринарна врач;
Буряад Уласай Хүндэлэлэй грамотаар Буряадай республиканска эрдэмэй-үйлэдбэриин ветеринарна лабораториин захиралай орлогшо Доржо Петруев шагнагдаа.
«Буряад Уласай үмэнэ габьяагай түлөө» медаляар «Россельхозцентр» ФГБУ-гай Буряад Уластахи таһагай хүтэлбэрилэгшэ Намжил Мардваев шагнагдаа.
Буряад Уласай Арадай Хуралай Баярай бэшэгээр Захааминай аймагай «Хуртага» СПК-гай түрүүлэгшэ Баярма Намдакова шагнагдаа.
Ородой Холбоото Уласай Хүдөө ажахын яаманай Баярай бэшэгүү- дээр шагнагдаа: Сергей Белов – ООО «Молоко Бурятии» Агрохолдингой слесарь-сантехник; Евгений Шевелев - Кабанскын аймагай «Байкальская» ОС-ой механизатор;
Светлана Тарасова - Улаан-Үдын амитадай үбшэнтэй тэмсэдэг станциин ветеринарна врач; Александр Козлов - Мухар-Шэбэрэй аймагай «Түгнэ» ООО-гой захирал; Александр Климов - Яруунын аймагай «Үльдэргэ» СПК-гай механизатор; Баир Раднаев - Яруунын аймагай «Үльдэргэ» СПК-гай малшан; Валентина Терентьева - Кабанскын аймагай туршалгын «Байкальская» станциин ахамад экономист; Григорий Калашников.
Ородой Холбоото Уласай Хүдөө ажахын яаманай Хүндэлэлэй грамотануудаар шагнагдаа: Лхамажап Базарова - Хэжэнгын аймагай «Эржэн» хүдөө ажахын хонишон; Андрей Кунгуров - Загарайн аймагай олзын хэрэг эрхилэгшэ; Цырен- Дондок Рабданов - Хэжэнгын аймагай олзын хэрэг эрхилэгшэ; Елена Сабова – Хяагтын аймагай олзын хэрэг эрхилэгшэ; Владимир Комлев - Хяагтын аймагай олзын хэрэг эрхилэгшэ; Туяна Дамчеева - Зэдын аймагай «Хамтаа» СПК-гай түрүүлэгшэ. Руслан Шагдуров - Буряадай республиканска амитадай үбшэнтэй тэмсэдэг станциин дарга.
Буряад Уласай Хүдөө ажахын ба эдеэ хоолой яаманай Баярай бэшэгээр шагнагдаа: Сэсэгма Хулуева - Ахын аймагай «Дагдан» СПоК-гой правлениин түрүүлэгшын орлогшо; Василий Хамируев – Хориин аймагай фермер; Сергей Лобанов - Наймаанай «Молоко Бурятии» ООО-гой техническэ албанай хиналта-хэмжэлгын хэрэгсэлнүүдээр ба автоматикаар инженер.
Буряад Уласай Хүдөө ажахын ба эдеэ хоолой яаманай Хүндэлэлэй грамотаар шагнагдаа: Ольга Скосырская - «Бурятхлебпром» АО-гой эдеэ хоолой наймаашан; Дмитрий Алексеев - «Бурятхлебпром» АО-гой (хилээмэ зөөдэг) жолоошон; Светлана Куклина - Бэшүүрэй аймагай «Бичурский маслозавод» ООО-гой микробиолог; Инна Иванцова - «Аквабур» ООО-гой оператор; Ольга Гудкова - Сэлэнгын аймагай Хүдөө ажахын хороогой гол мэргэжэлтэн; Никита Мисюркеев - Буряадай амитадай үбшэнтэй тэмсэдэг республиканска станциин Загарайн таһагай ветеринарна фельдшер.
Мүн баһа 24-дэхи Бүхэроссиин хүдөө ажахын «Алтан намар-2022» гэһэн үзэсхэлэнгэй дүнгүүдээр үндэр шангууд барюулагдаа. Тиигэжэ Буряадай хүдөө ажахын академиин ректор Бэликто Цыбиков, Буряад Уласай Ветеринариин хороогой дарга Амгалан Дармаев ба Захааминай аймагай засаг дарга Сергей Гонжитов дипломуудые болон медальнуудые абаа.
«Фермерэй һургуули» түлэбэй грантнуудшье барюулагдаа. Энэ һургуули байгша ондо эрхимээр дүүргэгшэд: Екатерина Рубцова, Доржи Мункуев болон Михаил Дашиев «Россельхозбанк» АО- гой 100 мянган түхэриг хэмжээнэй грантнуудые тус тустаа абаа.