Хүнгэлэлтэтэй урьһаламжа

Жасын хүнгэлэлтэтэй урьһаламжын аргаар хүдөө ажахын эмхинүүд шэнэ оньһон түхеэрэлгэнүүдые худалдан абажа шадаһан байна. Жэшээнь, үйлэдбэриеэ үргэдхэжэ шэнэлхэдэ, 70 хуби мүнгэн гүрэнэй талаһаа үгтэнэ, 10 хуби мүнгэ хүдөө ажалшад өөһэдөө оруулна, харин үлэгшэ 20 хубинь гаргашаяа тус жасын урьһаламжаар хаахада болоно.

Тэрэнэй хажуугаар худалдажа абаһан техникын түлөө гаргашалһан мүнгэнэйнгөө 50 хубииень бусааха аргатай. Тиигэхын тула Ород Уласай Хүдөө ажахын яаманда мэдүүлгэ бариха хэрэгтэй. 

Хүдөө ажахы эрхилдэг нютагаархиднай гүрэнэй талаһаа дэмжэлтэдэ хүртэхэеэ һанабал, энэ хаягаар хандажа, бүхы һонирхоһон асуудалнуудтаа харюу абаха аргатай: Улаан-Үдэ хото, Хахаловай гудамжа, 4 а  412-дохи таһалга. Утаһан: 8 (902) 456-15-43.