729
© фото: Буряад Уласай соёлой яаман
1969 ондо баригдаһан Буряад Уласай Үндэһэтэнэй номой сангай хуушан байшан һэльбэн шэнэлэгдэнэ. Байшан ондоогоор зохёогдожо, бүхэлүүлэгдэхэ юм.
Уншагшадай танхим байгуулха зорилготой дүрбэдэхи дабхар баригдахаар түсэблэгдэнэ.
- Үндэһэтэнэй номой сангай хуушан байшан һэльбэн шэнэлэлгэдэ федеральна болон уласай бюджедүүдһээ 595 саяһаа дээшэ түхэриг һомологдоо, - гэжэ Буряад Уласай соёлой сайд Соелма Дагаева хэлэбэ.
2021 оной III кварталай дүүрэтэр дүрбэдэхи дабхар баригдажа, байшанай гадаа түхэл һэльбэн шэнэлэгдэхэ гэжэ түсэблэгдэнхэй.
2020 оной июниин 6-да Үндэһэтэнэй номой сангай шэнэ байшанай нээлгын баяр ёһолол үнгэргэгдөө гэжэ һануулнабди.
Фото: Буряад Уласай соёлой яаман
