1117
Тэрээндэ Буряад ороной, Үбэр Байгалай хизаарай, Новосибирскын, Свердловскын ба Эрхүү можонуудай түлөөлэгшэд – дүн хамтадаа 600-гаад хүн хабаадаа.
Түрүүшын үдэртэ шагай, шатар наадан, мушхуурга (модо) таталга, мори буляалдаан (һолоомо шэхэжэ дүүргэгдэһэн дэрээр сохилсоон), туулган тобшо (тэбэг сохилго) үнгэргэгдөө.
Туулган тобшо (зүүн буряадууд тэбэг сохилго гэдэг) – Байгал шадарай буряадуудай урданай наадан. «Тобшо» гээшэнь туулга хайлуулжа, дундань хоёр нүхэ гаргаһан тобшо болоно. Тэдэ нүхэнүүдээрнь 3-6 сантиметр тухай утатай малай арһа бүхэлжэ оёод, дээшэнь сохижо наадаха.
Нааданай дүримөөр тобшо гансал хүлөөрөө гү, али хоёр хүлөөрөө ээлжэлүүлэн үдьхэлжэ наададаг юм. Эгээл олон дахин сохижо шадаһан хүн илалта туйлаа гэжэ тоологдоно.
Фото: Түнхэнэй аймагай захиргаан
