140
Россиин Засагай газар Алас Дурнын нютаг можонуудай хүгжэлтэдэ нэмэлтэ 4 млрд түхэриг шэглүүлхэ. Мүнгэн зөөри Алас Дурнын субъектнүүдтэ экономическа ургалтын түбүүдые хүгжөөхэ түсэбэй ёһоор һомологдобо гэжэ Засагай газарай суглаанай үедэ Михаил Мишустин тэмдэглээ.
- Энэ ажал Россиин Юрэнхылэгшын даабаряар ябуулагдажа, эрхэтэдэй ажабайдал улам һайжаруулха зорилготой. Алас Дурнын нютаг можонуудта 3 жэлэй туршада нэмэлтэ 4 млрд гаран түхэриг һомолхобди, - гэжэ Михаил Мишустин хэлээ.
Мүнгэн зөөрёор олониитын газарнуудые, гэр байрануудай оршон тойронхиие болбосон түхэлтэй болгохоор түсэблэгдэнэ.
Россиин Засагай газарай толгойлогшо Михаил Мишустин Алас Дурнын тойрогоор Оросой Холбоото Уласай бүрин эрхэтэ түлөөлэгшэ Юрий Трутневта мүнгэн зөөри эдлэхэ хэрэг хиналта дороо абахыень дааба. Нютаг можонуудта мүнгэн зөөриин саг соогоо орожо байхые, түсэблэгдэһэн хэмжээ ябуулгануудай дүүргэгдэхые Юрий Трутнев мүн хинаха.
Автор: Янжима ДАРМАЕВА бэлдэбэ
Фото: Буряад Уласай Засагай газарай мэдээсэлэй албан
