Буряад Уласта 3-һаа 7 наһа хүрэтэр үхибүүдтэй 18442 гэр бүлэдэ тэдхэмжэ үзүүлэгдэхэ

      Энэ тооһоо 18442 гэр бүлэдэ, 24320 үхибүүндэ тэдхэмжэ түлэгдэхэ. 787,8 сая түхэриг ажаһуугшадта дамжуулагдаа. Мүнөө 4056 бүлэдэ түлэлгын дансанууд казначейство дамжуулагдаа.
Мүнгэн тэдхэмжэ үдэр бүри түлэгдэнэ, июлиин 1-дэ тэдхэмжэдэ хүртэхэ эрхэтэй бүхы гэр бүлэнүүдтэ мүнгэн дамжуулагдаха. Гэхэтэй хамта, 1996 бүлэдэ түлбэриин томилолго арсагдаа. Гол шалтагааниинь гэхэдэ, тэдэнэй дунда зэргын нэгэ хүнэй олзо ажамидаралай доодо хэмжээнһээ ехэ байгаа. Энэ тэдхэмжэ олзо багатай гэр бүлэнүүдтэ хараалагдана. (дунда зэргын нэгэ хүнэй олзо 11549 түхэригһөө дээшэ байха ёһогүй).
     Мэдүүлгэ оруулһан олонхо хүнүүд тэдхэмжэдэ хүртэхэ эрхэгүй (үхибүүниинь гурба наһатай болоодүй, али найма наһатай болонхой, мэдүүлгэ оруулһан хүн гү, али үхибүүниинь Ород гүрэнэй эрхэтэн бэшэ).
     Ехэнхи зон дутуу гү, али буруу мэдээ үгэhэн байна ( нүхэрөө, наhаа хүсөөгүй үхибүүдээ , алиментын уялгатай байһанаа заабарилагүй). Эдэнэр дахинаа мэдүүлгэ оруулаа, ажалай 20 үдэрэй туршада тэрэнь хараалагдаха.
    Буряад Уласай ниигэмэй хамгаалгын сайд счедойнгоо тоонуудые зүб бэшэгты гэжэ хандана.
Эдэ үдэрнүүдтэ түлбэри абаха эрхэтэндэ электронно [email protected] ресурс ажалаа эхилбэ, hонирхоhон асуудалнуудаа hуража, мэргэжэлтэдhээ харюу абажа болохоор.