386
14 үдэрэй 4 халаан үнгэргэгдэхэ гэжэ түсэблэгдэнхэй. Үхибүүдтэ мастер-класс болон онлайн-тренинг харуулгадаха, уран бүтээлэй хэшээлнүүдшье байха. Мүнөө онлайн халаанда хүдэлмэрилхэ 50 ударидагшад бэлэн болонхой.
Үшөө тиихэдэ, нэмэри hуралсалай тогтоолгонууд шэнэ хэмжээн соо ажалаа үргэлжэлүүлнэ.
- Зунай амаралтын үедэ үхибүүдые hамааруулха гэhэн, бэеэрээ харилсахагүй нэмэри hуралсалай таhалгаряагүй ажал ябуулгын зорилго болоно. «Просвещение» Академиин «Олимпиум» гэhэн портал болон «Фоксворд» онлайн hургуули гэхэ мэтэ ондоо олон hуралсалай мэдээсэлгын сайт хэрэглэн, багшанар дистанцинно hуралгын хугасаа дүүргээ, - гэжэ коронавирус үбшэ адаглан шалгажа байдаг Республиканска сэхэ шууд бэелүүлгын штабай суглаанда спорт болон залуушуулай бодолгын талаар сайд Вячеслав Дамдинцурунов хэлэбэ.
Скайп, Зум гэhэн платформануудые хэрэглэн, хэшээлнүүдэй болон зүблэлнүүдэй үнгэрэлтэ эмхидхэгдээ. Багшанарай үхибүүдтэеэ дэмжэлгэтэй байхын тула Viber, WatsАpр мессенджернууд соо чадууд бии болоо. 26 329 үхибүүд нэмэри hуралсалай хэмжээ ябуулганда хабаадана.
Июниин 1-hээ эхилhэн соёлой онлайн хэмжээ ябуулганууд 36 023 харагшадые хаймадан абаа.
Самоизоляциин үедэ олимпиин резервын спортивна hургуулинууд болон Буряад Уласай спортивна федерацинуудаар онлайн гуримаар болон сотово связяар тренировачно хэмжээ ябуулгананууд үнгэргэгдөө.
Дистанционно хэмжээн соо болохо мүрысөөнүүдэй хүдэлмэри шиидхэгдээ. Даам, шатар, тайска бокс, тхэквондо, каратэ, кекусин-кай каратэ-до, художественна бэе hорилго, ушу, тамаралга(ОФП), барилдаан(ОФП), кибер-футбол гэhэн мүрысөөнүүд иимэ хэмжээн соо үнгэрөө.
Энэ үргэнөөр дэлгэрhэн халдабарита үбшэнэй байдал соо Буряад Уласай Роспотреб-хиналта үхибүүдэй лагерьнуудые байhан гуримдань оруулха эртэ гэжэ мэдээсэбэ. Июлиин hүүлдэ зунай эмнэлгын арга ябуулга эхилхын асуудал коронавирус үбшэ адаглан шалгажа байдаг Республиканска сэхэ шууд бэелүүлгын штабай гэшүүдээр хөөрэлдөөн болохо.
Автор: Галина ЖАМСАРАНОВА
