472
Буряад Уласай хүдөө ажахын яаманай дуулгаһаар, регионууд хоорондын ветеринарна хиналтын дансануудые хүнгэн болгохо, засаг хуулиин талаар дансануудта нэмэлтэ болон хубилалтануудые оруулха, Таможенно холбооной эрилтэнүүдые тодорхойлхо асуудалнуудаар хөөрэлдөөнүүд болохо.
Мэргэжэлтэд эбэртэ бодо малай, шубуунай мяха, ургамал ногоо наймаандаа гаргаха хэрэгтэ тохёолдодог бэрхэшээлнүүдэй, газарай хиналтын шанга болгогдожо, шалгалтын дүнгүүдээр нилээд ехэ яла тохохо, харюусалгада хабаадуулагдаха асуудалнуудаар тодорхой мэдээсэл үгэхэ. Һүүлэй үедэ Росси дотор нэбтэрүүлэгдэһэн ФГИС «Меркурий» системэ соо яажа зүбөөр дансануудые бэлдэхэ асуудал олоной һанаа зобоодог. Энээн тухай мүн лэ хэлсэгдэхэ.
Россин Россельхоз-хиналтын, хүдөө ажахын, фермернүүдэй холбооной түрүү мэргэжэлтэд хэдэн үдэрэй туршада зонтой мэдэсээрээ хубаалдаха, хэрэгтэй шухала асуудалнуудаар зүбшөөл үгэхэ. Энэ зүблөөндэ хабаадаха дуратай мэргэжэлтэд Буряадай хүдөө ажахын яаманда уридшалан мэдүүлгэ бариха ёһотой.
Автор: Светлана ЛОГИНОВА
Источник: Selorodnoe.ru
