Эдеэ хоолой сэн нэмэжэл байна

Июнь һарада хапуустын, мангирай, апельсинэй сэн 1,8-2,1% нэмээ. Харин хартаабха аяар 56,9 %, хатаагдаһан алим жэмэс 5,3 %, свёкла 18,5 %, яблоко 13,0 %, виноград 14,7 % дээшэлээ.

Гэхэтэй хамта үгэрсын, помидорой, морхообой, лимоной сэн нэгэ бага хямдараад байна.

Мяханай зүйлнүүд 2019 оной декабриин байдалтай зэргэсүүлхэдэ, 2,7 % нэмээд байна. Үхэрэй мяхан дунда  зэргээр 6,3 % нэмэгдэбэ.

Архиин зүйлнүүд 4,3 % дээшээ бодоо. Хүнгэн унаа машинын сэн 2,9 %, тамхин 4,3 %, эмнэлгын зүйлнүүд 5,3 % нэмэгдэһые тэгдэглэлтэй.

Түлишэ тоһодолгын зүйлнүүдэй сэн багаханааршье һаа дээшээ бодоо.

Түлишын зүйл	Буряад Улас	Байгал шадарай хизаар	Эрхүү можо
АИ-92 түхэлэй бензин	43,22	45,27	42,8
АИ-95 түхэлэй бензин	45,59	47,78	45,42
Дизельнэ  түлишэ	49,66	53,17	49,9

 Хүн зондо хэрэгтэй зүйлнүүдэй сэн мүн лэ дээшэлһэн зандаа. Июнь һарын сэнгүүд май һарынхида орходоо нэмэгдэһэн байна. Шүдөө угааха щётко, паста, саарһан, сабар 1,9-3,0 %, нарай хүүгэдые монсойлохо бүд 0,2-0,6 %, гэрэй амитадай хуурай хоол 0,7 %, хубсаһа угаадаг порошок 10,7 % нэмэгдэбэшье, хүн зон хэрэгтэй зүйлнүүдые худалдажа абаад лэ байдаг.

Хубсаһанай зүйлнүүдһээ гутал, арһан дэгэлнүүд нэгэ бага хямдараа. Телерадио хэрэгсэлнүүдэй, гар утаһанай сэн 0,1 -5,8 % хямдараад байна.

Хүн зондо үзүүлэгдэдэг хангалтануудай сэн июлиин нэгэнһээ нэмэгдэжэ, гэр байрын хангалтанууд 0,8 %, хэлхеэ холбооной хангалта 5,6 % дээшэлээ, - гээд Буряад Уласай Эдэй засагай яаманһаа мэдээсэгдээ.