​Буряадай Түнхэн аймагай hууринуудай хилэ хубилгаха талаар ажал барилгын яаман шалгаба

Буряад Уласта hомонуудай юрэнхы түсэбүүдтэ hууринуудай хилын талаар хубилалтануудые оруулха ажал үргэлжэлhөөр. Түнхэн аймаг энэ ажалаа удаашаруулна. Ямар ажал хэгдээд байнаб гэhэн асуудалаар Түнхэн аймагай захиргаан болон hомонуудтай ээлжээтэ зүблөөн видеоконференц-холбоогоор үнгэргэгдэбэ.

Үшөө июнь hарада Түнхэн аймагай hууринуудай хилэ хубилгаха талаар юрэнхы түсэбүүдтэ оруулха хубилалтануудай талаар бэшэгүуд газар дэбисхэрэй түсэблэлгын гүрэнэй мэдээсэлэй системэдэ толилогдоо, тиихэдэ Ородой Холбоото Уласай Эдэй засагай хүгжэлтын яаманда бэшэгүүд эльгээгдээ. Заагдаhан түсэлнүүдтэй тааралданагүй гэhэн харюу ерэhэн байгаа. Ажаглалтануудые усадхаха талаар hомонуудай захиргаанууд зүбшөөлгын комиссинуудые байгуулаа.

Тиигэбэшье мүнөө зөөриин гүрэнэй ниитэ нэгэ реестртэ Түнхэн аймагай 35 hууринай хоёр hууринай хилэ тухай мэдээсэлнүуд оруулагданхай. Энэнь оройдоол 5,7 % болоно. Бүхы Буряад Уласта энэ тоо 89% болоно (663 hууринуудай 563-нь).

- Ажал удаан ябуулагдана, иигэжэ хүдэлхэ хэрэггүй. Бидэ протокол бэлдэжэ, удаадахи уулзалгада тобшоор тоосохот, - гэжэ Буряад уласай барилгын болон гэр байрын ажахы шэнэдхэлгын сайдай орлогшо Евгений Коркин даабари үгэбэ.

1991 ондо Түнхэн аймагай дархан газарай бүридэлдэ аймагай бүхы дэбисхэр оруулагдаа, тэрэ тоодо, хүдөө hууринууд.

2023 оной июниин 1 болотор hомонуудай юрэнхы түсэбүүдтэ хубилалтануудые оруулха болзор элирүулэгдээ.