​Олоhон олзоёо яагаад арьбадхаха тухай һуралсал Буряадта эмхидхэгдээ

Россиин экономическэ хүгжэлтын талаар яаман мүнгэ алтанай талаар эрдэм мэдэсэтэй болгохо гэжэ хүн зондо тусхай семинар ноябриин 12-то үнгэргөө. Яагаад мүнгэеэ, олзо орошоёо дээшэлүүлхэб? Сагаа яагаад хубаахаб? Ямар банкнууд тон бага хубитай урьhаламжа үгэнэб? Яагаад мэхэлэлүүлхэгүйб? Олоhон мүнгэеэ яагаад хоёр, гурба дахин олон болгохоб? Эдэ бүгэдэ асуудалнуудта харюу «Мой бизнес» гэhэн вебинарта хэлэгдээ. Энэ хэмжээ ябуулга Россиин экономическэ хүгжэлтын талаар яаман «Синергия» корпорацитай хамта эмхидхэhэн байна. Ямаршие олзын хэрэгэй хүгжэлтэ — эрдэм мэдэсэтэйгээр мүнгэеэ хэрэглэлгэ болоно. Гарзануудаа тоолохо, ямар ушарта тохёолдоогүй гарза гаража болохоб? Хэды шэнээн олзо орохоб? Тэдэнээ бултыень hайса шүүмжэлжэ, тооложо гаргаад, түсэбүүдые табяад байбал, ажал урагшатай байха.

Вебинарта удаадахи түсэлнүүдээр хөөрэлдөөн үнгэрөө:

Олзын хэрэг эрхилэгшын өөрынь шуhата мүнгэн. Юундэ өөрын болон олзо оршынгоо мүнгэ илгаруулха хэрэгтэйб?

Шахардуу байдалай үедэ эрхилhэн хэрэгээ яагаад хамгаалхаб?

Финансын талаар 5 заршам. Яагаад шиидхэбэринүүдые абахаб?

Олзо оршынгоо ороhон мүнгэ яагаад аша үрэтэйгөөр хэрэглэхэб?

Мэдэхэ зонhоо шахардуу байдалда ямар асуудалнуудаар туhа эрихэб?

Эдээн тухай «Goncharova ProFinance» эмхиин байгуулагша Екатерина Гончарова, «Logic Planning Group Ru» эмхиин хүтэлбэрилэгшэ Илья Пантелеймонов, мүнгэ алтанай талаар олзын хэрэг эрхилэгшэдтэ туhалhан Михаил Смолянов, Россиин финансын яаманай туhалагша Юлия Чиндина гэгшэд хэрэгтэй мэдээсэл үгэhэн байна.