​Буряад Улас экономикын талаар 3 жэлэй хугасаада hайн үрэ дүнгүүд харуулагдаа

Росси дотор Экономистын hайндэр үшөө хаанта засагай байхада, 1765 ондо Россиин экономическэ hайн дуратанай Зүблэлэй байгуулагдахада, Россиин хаанай зарлигаар тогтоогдоhон түүхэтэй. Экономистын мэргэжэл 255 жэлэй саана бии болгогдоhон юм. Энэ һалбариһаа гүрэн түрын хүгжэлтэ сэхэ дулдыдана гээшэ. Экономист мэргэжэл ажабайдалай бүхы hалбаринуудтай нягта холбоотой. Бэрхэ экономистнууд hангай мүнгэ бэрхээр тоолоод, бултанда хүртөөхэ, мүн хүгжэлтэдэ үлээжэ шадаха мэргэжэл гээшэ ха юм даа.

Буряад Улас экономикын талаар 3 жэлэй хугасаада hайн үрэ дүнгүүдые харуулна. Үйлэдбэриин талаар 2016 онтой зэргэсүүлбэл, олзо орошо 15,8 хубяар ургаа. Нэгэ хахад дахин ашагта малтамалнуудые малталга дээшэлээ. Инвестициин талаар баhал хүгжэлтэ элеэр харагдана. Тиигэжэ инвесторнуудай дунда Буряад орон Россиин можо хизаарнуудай дунда 32-дохи hуури хүрэтэр ургаа. Тиин 17 шата өөдөө бодоо. Эдэ бүгэдэ амжалтануудые hайн мэргэжэлтэдгүйгөөр абахаар бэшэ гээшэ ааб даа.

 Гүрэнэй хэрэгтэ үнэн сэхэ, гүрэнэйнгээ хүгжэлтэдэ hанаата боложо, үнэн зүрхэнhөө оролдолго гаргажа ажаллана, хүгжэнэ. Дэмбэрэлтэ, мэргэжэлтэ hайндэртэнь Засагай газарhаа заншалта ёhоор экономистнуудые амаршалга үнгэрдэг гээшэ. Хүндэлэлэй грамотанууд, баярай бэшэгүүд тараагдадаг. Буряадай экономикын Сайд Екатерина Кочетова энэ мэргэжэлдэ хабаатай зониие халуунаар амаршалжа, дэлхэйн hайниие хүсэhэн байна.