Буряадай Ахын аймагта үйлэдбэрилэгдэһэн эдеэ хоол Германида наймаалагдана

Ахын аймагай «Дагдан» ажахы Буряад Уласта гурбадахи жэлээ ажалаа ябуулна. Тэдэ эм домто ургамал болон жэмэсүүдые болбосоруулжа, 2016 ондо «Саяны» бүлгэм байгуулһан юм. Жэл хахад болоод, хадаран загаһа, удаань һарлагай болон бугын мяха болбосоруулжа эхилээ.

Кооперативай юрэнхы захирал Саян Хулуевай хэлэһээр, богони болзорто үйлэдбэринь гансашье Ород гүрэн дотор бэшэ, хари гүрэндэ мэдээжэ болоо.

- 2019 ондо Япон, Испани, Израиль гүрэнүүдэй дэлгүүртэ гараһан аад, COVID-19 үбшэнһөө боложо, энэ ажал тогтоо һэн. Байгша ондо эдэ гүрэнүүдтэй ажал дахин эхилжэ, Германи гүрэнтэй хүдэлжэ эхилээбди, - гэжэ «Дагдан» кооперативай хүтэлбэрилэгшэ Саян Хулуев хэлэбэ.

Энэ ажахыда үйлэдбэриеэ улам үргэдхэжэ, бусадшье хари гүрэнүүдтэй ажаллаха түсэбүүдтэй.