1008
Ород Уласай Роспотреб-хиналта Турци, Танзаниһаа бусажа ерэһэн нютагаархидые наашань оруулха эрилтэнүүдые улам шангалжа, бэеын энхэ элүүрые шалгана . Энээн тухай тусхайта тогтоол гаража, хүсэндөө ороо.
Амархаяа эдэ гүрэн ошожо, һөөргөө бусаһан зон заал һаа хоёр дахин коронавирус үбшэ тодорхойлгын шэнжэлэл гараха ёһотой болобо. Энэ шалгалтын дүнгүүдэй гаратар тэдэнэр гэртээ һууха, олоной газараар ябахагүй.
Шэнэ дүримүүдэй ёһоор Роспотреб-хиналтын мэргэжэлтэд аэропортнуудта ошожо, хари гүрэнһөө Ород Улас руу ниидэжэ ерэһэн ямаршье хүниие шалгаха эрхэтэй болоо.
Байгша оной апрелиин 15-һаа манай гүрэн Турциин, Танзаниин хилэнүүдые һара хахадаар хааһан байна. Эдэ хари гүрэнүүдтэ коронавирус үбшэн дахинаа ехээр һүжэржэ, иимэ һэргылэмжын дүримүүд абтаба гээд хэлэе.
Фото: pixabay.com
