«Вкус Победы» харалганай дүнгүүд Захааминда гаргагдаа

Агууехэ Илалтын үдэр – Майн 9-дэ Закаменск хотодо энэ фестиваль эмхидхэгдэжэ, захын аймагта ажаһуудаг яһатан олоной үзэмжэдэ элдэб амтатай эдеэ хоол дурадхаа. 34 олзын хэрэг эрхилэгшэд, эмхинүүд, ТОС-ууд, үндэһэн соёлой түбүүд хабаадажа, ехэ һонин үйлэ хэрэг болоо. Хамтадаа арбан долоон яһатанай эгээл хүндэтэй эдеэ хоол дэлгээгдэжэ, сугларһан зон тэрэнииень амсаа, худалдажа абаа.
Жюриин гэшүүд үни удаан хэлсэжэ, иимэ дүнгүүдые гаргаба:
Шангай нэгэдэхи һуури болон гол шан – амиды хони таджик, узбек яһатанай эдеэ хоол дэлгэһэн бүлгэм абаа. Хоёрдохи шан молдавска эдеэ хоолой үзэмжэ бэлдэһэн ИП Л. Кишмарта олгуулагдаа. Гурбадахи һуури украин болон беларусс арадуудай амтатай хоол бэлдэһэн команда эзэлээ. Үшөө тиихэдэ армян, ород, буряад, монгол арадуудай кухни дурадхаһан хүнүүдтэ урмашуулгын шангууд барюулагдаа.